落雨毛仔

落雨毛仔 lok yiˋ moˊ eˋ落雨毛仔打蝦公， lok yiˋ moˊ eˋ daˋ haˇ gungˊ打到三斤半， daˋ doˋ samˇ ginˊ ban-唔罅汝姆做月半。 mˇ la- ngiaˇ meˊ zo- ngiet ban-
註解：
01_ 落雨毛仔。lok yiˋ moˊ eˋ
下雨，客語稱為落雨，毛毛雨，客語稱為雨毛仔。
02­_ 唔罅mˇ la-不夠。
03­_ 汝姆ngiaˇ meˊ你的母親。
04­_ 做月半zo- ngiet ban-，元宵節客語稱正月半，中元節客語稱七月半，中秋節客語稱八月半，下元節客語稱十月半，客語稱做月半就是指過節的意思。

本篇取材自http://hakka99.blogspot.com/

蜈蚣虫

蜈蚣虫
蜈蚣虫，蜈蚣虫，
平時逞英雄，
沙手上毋驚人，
講佢盡像一條龍，
過年過年鑼鼓咚咚咚，
蜈蚣虫介阿爸阿姆，
卻詐耳聾，
唉！一群子女恁多腳，
那有恁多閒錢，
買鞋買襪分佢著，
想起心肝就會痛，
情願鑽入窿。

老阿伯

老阿伯
老阿伯擘兩煞，
盎缸裝石頭磧，
愛食自家擘。

阿秋箭阿秋唧
上屋阿婆做生日，
愛分我去呀無分我去，
害我打扮兩三日 。

樹頂鳥仔叫漣漣

樹頂鳥仔叫漣漣

樹頂鳥仔叫漣漣
愛討夫娘又無錢
兜張凳仔同爺講
講來講去又一年

唔好叫（哭）

唔好叫（哭）
唔好叫，唔好叫，
涯帶你去綁蕃豆，
蕃豆掛掛泥，
你個阿姐嫁分涯。

阿二哥

阿二哥
阿二哥，食鮮糜，
碗打忒，甘涯賠，
涯唔賠，強強堵等來。

阿有四
阿有四
打臭屁一粒來 一粒去

阿土伯

阿土伯
阿土伯，阿土伯
屎物扒到兩三欣，
煮清湯，請人客，
人客食到嘴拔拔。

逃學狗

逃 學 狗
逃學狗滿山走，走無路爬上樹，
樹斷掗跌落水缸下，
轉去藏到眠床下，厥母捉來罵，
厥爸捉來打，鄰舍圍來看，
大家笑哈哈！

釣檳彎彎

釣檳彎彎
釣檳彎彎，釣到黃鱔，
釣賓直直，釣無食，
釣賓短短，釣到鴨卵，
釣賓拱拱，釣到一水桶。

牽豬哥

牽豬哥
牽豬哥，兩條索，
上竹頭，扒竹殼，
釣蛤蟆，掩嘴角。

鄉下人家

鄉 下 人 家
鄉下人家，黃泥廳下，
淨利禾埕，放柴放杈，
人客到來，鍋頭煮茶，
碗準茶杯，頃刻食茶，
兜桌兜凳，擎扇擎遮，
講長講短，句句不差。

禾畢仔叫呀呀

禾 畢 仔
禾畢仔叫呀呀
飛上桃樹摘桃花
桃花李花畀你摘
莫摘捱介牡丹花
牡丹花
捱愛留畀捱姐轉妹家

阿貓牯

阿 貓 牯
阿貓牯阿貓牯
出門打老鼠
老鼠跌落埤塘肚
拿來煮 拿來煮
全家食落肚
爬床抓席肚屎痛啊
何麼死苦！

人之初，性本善

人之初，性本善
人之初，性本善，
擎钁頭，改火碳，
狗脫黎，拼拼戰，
降個妹仔做阿旦，
阿旦面恁靚，
著介衫褲盡臭腥。

人之初
人之切，性本善
先生教涯挑(ㄎㄞˊ)火炭
害涯挑(ㄎㄞˊ)到滾滾戰

大戇牯

大戇牯
大戇牯 食飯傍菜圃
三餐無米煮 上山打老虎
老虎走落山空肚 笑佢大戇牯
害佢目汁濫泔 轉去打老鼠。

掌牛哥仔

掌牛哥仔
掌牛哥仔面黃黃 三餐食飯愛撈糖
你爸勿係開糖店 你母勿係繡花娘
你哥勿係開銀行 你姐勿係觀音娘

阿丑琢

阿丑琢
阿丑琢賣膏藥
賣無錢火就著
頭顱拿來剁
嘴嘟嘟 想食鹹豆腐
嘴尖尖 想食蕃薯籤
嘴圓圓 想食粄仔圓

阿丑琢
阿丑琢，賣膏藥，
賣沒錢，火就著，
頭那拿來剁。

嘴嘟嘟
嘴嘟嘟，賣豆腐，
嘴扁扁，賣牛眼，
嘴圓圓，賣板圓，
嘴長長，賣豬腸。

點指濃紐

點 指 濃 紐

點指濃紐 翻車傾斗
佛祖燒香 黃蟻仔過岡
崗崗骨骨 蛇咬屎笏

伯公伯婆

伯公伯婆
伯公伯婆無遲雞無遲鵝
遲一隻鴨子像鴄婆 豬肉料像楊桃
愛食你就食 勿食捱也無奈何
請你食酒傍田螺 酒確無款到
轉去款 做得嗎？

阿啾箭尾鉈鉈

阿啾箭尾鉈鉈

阿啾箭尾鉈鉈，
無爺無哀跈叔婆，
叔婆呢？掌牛咧！
牛呢？賣忒咧！
錢呢？討夫娘咧！
夫娘呢？走忒咧！


阿啾箭尾滴滴

阿啾箭尾滴滴，
上背叔婆做生日，
唔知要分我去，
亦唔不我去，
害我打扮兩三日。

火螢蟲唧唧蟲

火螢蟲唧唧蟲

火螢蟲，唧唧蟲，
楊梅樹下吊燈籠，
燈籠光，照四方，
四方暗，跌落崁，
崁下一枚針，拈來送觀音；
觀音面前一頭禾，割到一擔又一籮，
畀得你來捱又無。

月光光

月光光 之一

月光光秀才娘
船來等轎來扛
一扛扛到河中央
蝦公毛蟹拜龍王
龍王腳下一蕊花
拿奔阿妹轉妹家
轉到妹家笑哈哈

童謠：月光光之二

月光光，好種薑，薑畢目，好種竹，
竹開花，好種瓜，瓜未大，摘來賣，
賣到兩個錢，學打棉，棉線斷，學打磚，
磚斷節，學打鐵，鐵生鏀，學遲豬，
豬會走，學遲狗，狗會咬，學遲鳥，
鳥會飛，飛到大樹下，撿到一隻大西瓜，
煮給親家食，瀉到一廳下。

瓜「未」大：「未」念ㄇㄤˇ 生鏀：生? 遲：殺


童謠：月光光之三
　
月光光，照地堂，年三十，摘檳鄉，
檳榔香，摘子薑，子薑辣，難到舌，
舌綻花，買苦瓜，苦瓜苦，買豬肚，
豬肚肥，買牛皮，牛皮薄，打極落，
極落圓，換銅錢，
銅錢跌落水，
浸死兩隻番子鬼。

天皇皇地皇皇

天皇皇地皇皇
天皇皇地皇皇
我家有個愛哭郎
路唇君子唸三遍
一覺睡到大天光

阿鵲仔，打環車

童謠：阿鵲仔，打環車之一
　
阿鵲仔，打環車，打到寮下阿姐門段下，
阿姐問佢幾時嫁，上晝梳頭下晝嫁，
灶下梳頭嫂會罵，簷唇洗面哥又罵，
阿哥阿嫂你莫罵，朝晨後日我會嫁。


童謠：阿鵲仔，打環車之二
　
阿鵲仔，打環車，一打打到阿姐門段下，
阿姐問妳幾時嫁，上晝梳頭下晝嫁，
莫嫁上，莫嫁下，嫁到大水壩，
一頭糖，一頭蔗，食到屘姨牙射


阿鵲仔，打環車之三
　
阿鵲仔，打環車，一打打到阿姐門段下，
無米煮，煮泥沙，無眠床，樹葉遮，
無好話，媒人家。

美女篇

美女篇 櫻 桃 啄 來 奶 頭 耳，
Inˊ toˇ zoi- loiˇ nen- teuˇ ngiˋ
丹 鳳 眼 來 柳 葉 眉，
Danˊ fung- ngienˋ loiˇ liuˋ yip miˊ
雞 卵 面 來 鸚 哥 鼻，
Geˊ lonˋ mien- loiˇ inˊ goˊ pi-
酒 窟 雙 雙 笑 微 微；
Jiuˋ futˋ sungˊ sungˊ seu- miˊ miˊ
面 相 要 看 係 啄 斗，
Mien- siong- oi- kon- he- zoi- deuˋ
身 材 要 看 屎 窟 斗，
Siinˊ coiˇ oi- kon- sii- vutˋ deuˋ
鴨姆屎窟黃蜂腰，
三寸金蓮四步搖，
生來白嫩體格好，
打扮靚靚上翠樓。

靚妹子：美女 啄：嘴巴 酒窟：酒渦 屎窟：屁股 鴨姆：母鴨